| 23/6/2009
一大個清早6點幾就起身，樓下搭巴士經深圳灣去寶安機場
好簡單0既理由: 1)要平所以揀左返大陸飛 2)想玩多一陣，所以揀左超早機
平機...梗係咩都無啦...幾粒花生米咋...不過天氣好，大大個藍天，大大塊白雲
個零鐘就到左桂林，先搵返之前book左0既"九龍商務"，原來離火車站甚遠...又落雨...行到濕曬身
一上樓先沖個涼就出去搵食---祟善米粉
其實桂林真係無咩好行，景點又唔多，來來去去都係象山呀...金銀塔呀...兩湖四江呀...
之後，食埋飯就去左夜遊金銀塔
|
| |
| 今次0既桂林之旅完全0係一個不確定0既情況下出現
因為當我一見到六月份0既更表，知道月尾有七日假期之後，已經四出尋找旅伴
亦好好彩，聯絡到遠在新加坡0既友人H，順理成章立即計劃左一個新加坡馬來西亞走走食食之旅
資料搜集期間，又比我睇到一0的沙巴0既陽光與海灘生活，跟住又興高采烈地搵搵搵資料，連旅遊書都買埋，連酒店都send左email問
但突然友人H又未能玩足全程，成個計劃又從頭黎過
六月中喇
再次還原基本步，黠知有日又比我睇到0的野
桂林、陽朔、梯田、山水、竹筏、啤酒魚、銀子岩...
一連串的明山大水一閃而過
OK!!!一於就去---桂林陽朔!!!
|
| |
| 應該由哪裡說起...
又或者係由哪裡開始起程呢???
我都唔記得
這一兩年突然之間出外走了好多地方喇....
應該由韓國->泰國->台灣墾丁->九寨溝->台灣阿里山->桂林......
瘋了的是...現在真的每一個月都在找"旅伴"
我想寫寫遊記，日後總唔會數不清的呢
之前的...已經在其他地方發放了...
那...又應該由哪裡開始呢...
|
| |
| 從一年前已經為自己今日0既離去留下伏筆
為0既...就係証明自己唔係一時衝動，亦都唔係半途而廢
對得住自己，對得住人地
一年已過...總算無因為咁而懶懶行
現正宣佈:
外無借貸、內無欠糧
光榮結業
從今日起，以後所有溢事記，將會以保密形式登出
多謝
祝自己生日快樂，萬事如意
|
| |
| 一年前的明天，我在此說過的...
在這一年間，我怕我自己做不到
有想過...應該無人記得，無人會理|
但對不起自己比任何一個人重要!!!
所以這念頭一閃即滅
這決定...照舊去馬! 記得一開始，各方友好都紛紛爭住黎用
想當年，當然無人認跟風啦...當然大大聲歌頌網路0既偉大啦!!!
到了今時今日...你...還有用嗎??
你忙??好像大家都無乜人升左職上左位結左婚或生左仔喎...
你無咩特別野要記??兩三年前無人咁講過喎...
你依家有其他野用緊??今次你確保唔係"又"跟風... 青春??真係一時衝動...有本錢...唔使顧後果...
抑或砵蘭街上兩層樓梯就有? 一路一路見友人一個一個咁inactive
朋友...你地0的熱誠呢???唔需要比野我睇...係你自己有幾咁對得住你自己呀...
一日一篇日記用手寫真係難...但又真係有得著
okay...網上啦...唔限時間人物和地點...
okay...週記啦...人人都在忙ma...
okay...歌詞啦...唔使諗唔使打...
okay...貼相啦...都可以交代好多野0既...
朋友...問題係你連呢0的都無呀...你對你自己過0既每一日真係咁不聞不問? 係我想我太多... |
| |
